Në kuadër të programeve për angazhimin ekonomik të diasporës  në nivel lokal, Germin synon që formatin për tërheqje të investimeve nga Diaspora ta përshtatë dhe realizojë edhe në Komunën e Kamenicës. Objektivat nga kjo marrëveshje do të arrihen fillimisht përmes analizimit dhe identifikimit të sektorëve kyç të ekonomisë dhe zhvillimin e një platforme që promovon mundësitë e Komunës së Kamenicës, të qasshme për palët e interesuara brenda dhe jashtë vendit. Të gjeturat e hulumtimit do të publikohen në një raport të veçantë, ku të gjitha palët  apo grupet e interesit do të mund të kenë të dhëna të hollësishme rreth potencialit investues të Kamenicës.

Përfitues të këtij projekti do të jenë qytetarët, forumet/shoqatat e bizneseve lokale, organizatat dhe institucionet e Komunës së Kamenicës të mandatuara për zhvillim ekonomik, si dhe kompanitë me potencial investues nga jashtë dhe nga Diaspora. Kjo marrëveshje u nënshkru gjatë “Ditëve të Diasporës”, duke dhënë edhe një mesazh për gatishmërinë dhe vullnetin për të realizuar projekte konkrete që lidhin diasporën me vendin amë.

The post Germin arrin partneritet me Komunën e Kamenicës appeared first on Germin.