Januar 19, 2022
GERMIN dhe UNICEF Kosova ofrojnë punë praktike me pagesë në kompanitë e diasporës
By Germin-14271 Views-No Comment
GERMIN në bashkëpunim me Unicef në Kosovë në kuadër të projektit “Avansimi i partneritetit me diasporën për fëmijët dhe të rinjtë në Kosovë”, ofrojnë punë praktike me pagesë për të rinjtë kosovarë.
Të rinjtë e moshës 16-24 vjec, përmes këtij projekti mund kenë punë praktike deri në tre muaj në
kompani dhe organizata të ndryshme të diasporës.
Ky projekt bëhet si qëllim për promovimin e platformës online
kosovogenu.com e cila shërben si urë-lidhëse midis praktikantëve dhe punëdhënësve nga fusha të ndryshme.
Platforma
kosovogenu.com ka për mision të ofrojë mundësi për vetë-zhvillim përmes gjetjes së punës praktike në kompanitë e ndryshme në Kosovë, trajnimeve online dhe ligjëratave. Kjo platformë synon të përmirësojë qasjen dhe kualitetin e punëve praktike dhe të ngrisë njohuritë për këto punë për të rinjtë.
Kosovogenu.com është krijuar në kuadër të iniciativës së lokalizuar Kosovo Generation Unlimited.
Kompani të ndryshme kanë bërë disa shpallje në këtë platformë ku mundësohet angazhimi i praktikantëve me pagesë për periudhën tre mujore.
Inkurajojmë të gjithë të rinjtë e interesuar për punë praktike, rrjetëzim dhe mundësi të përfitimit nga mentorshipi, të regjistrohen në platformën
Kosovogenu.com ku do të informohen vazhdimisht për mundësit e ofruara për punë praktike me pagesë, nga kompani dhe organizata të ndryshme.
