Bubulina i është bashkuar ekipit të GERMIN në nëntor vitit 2023 në pozitën e Zyrtares për Marrëdhënie me Publikun dhe menaxhim të Rjeteve Sociale për të qenë zëri i GERMIN që i trasnmetohet publikut.

Ajo aktualisht vijon studimet e nivelit master në Universitetin e Prishtinës “Hasan Prishtina” në drejtimin “Marrëdhënie Ndërkombëtare dhe Diplomaci”. Në të njëjtin universitet ajo i ka përfunduar edhe edhe studimet e gazetarisë në nivelin Bachelor,

Për një semestër të studimeve bachelor, Bubulina ka qenë edhe pjesë e programit “Erasmus+” ku i është dhënë mundësia të studiojë në Wroclaw të Polonisë në drejtimin “Gazetari dhe Komunikim Social”.

Hobet e Bubulinës përfshijnë librat, filmat dhe udhëtimet, por pasioni i saj për shkrimin, veçanërisht për reportazhet dhe artikujt e gjatë, qëndrojnë në krye të listës. Përvoja e saj në gazetari, ku ka punuar për afro dy vite si gazetare në KALLXO.com dhe ka shkruar artikuj edhe për Prishtina Insight, e ka thelluar edhe më shumë dashurinë e Bubulinës për të shkruarit.