Anila Hyka Smørgrav (anëtare) sjell mbi 25 vite përvojë ndërkombëtare në mjedise të ndryshme sociale dhe ekonomike. Ajo është e specializuar në sektorin e telekomit dhe IT-së, menaxhimin e projekteve, negociatat e kontratave, menaxhimin e transaksioneve dhe strategjitë e transformimit digjital të ndërmarrjeve.

Ka punuar në sektorin privat dhe publik në Shqipëri, Norvegji, SHBA, Francë dhe Zvicër. Aktualisht mban pozitën e Drejtoreshës së Angazhimit për projekte komplekse në Orange Business Services (pjesë e grupit Orange), duke menaxhuar klientë të mëdhenj me të ardhura mbi 2 miliardë euro. Përveç karrierës profesionale, është angazhuar në aktivitete jofitimprurëse për promovimin e arsimit, kulturës dhe integrimit të diasporës shqiptare, përmes projekteve si “Super Coders” dhe iniciativave të Orange Foundation.

Është nderuar me titullin “Ambasadore e Kombit” nga qeveria shqiptare dhe që nga viti 2019 është anëtare e Këshillit Koordinues të Diasporës. Prej vitit 2018 është Presidente e shoqatës franko-shqiptare “Albania” me seli në Paris.

Contact: [email protected]