Programi për Angazhimin e Profesionistëve nga Diaspora, (EDP) është një program i cili kërkon të sjellë ekspertë nga diaspora në vendlindjen e tyre me qëllimin për të kontribuar në zhvillimin e atdheut të tyre me ekspertizën dhe përvojat e tyre në vendet e zhvilluara. Baza e të dhënave e GERMIN përkon me më shumë se 30K profesionistë në të gjithë botën. Prandaj, bazuar në këtë “pasuri të informacionit dhe bazës së të dhënave” GERMIN po zbaton programin EDP në Kosovë dhe Shqipëri. Programi sjellë profesionistë për një periudhë kohore duke filluar nga më së paku 3 javë me idenë për t'u bashkuar me organizatat/institucionet/bizneset në lidhje me nevojat e tyre profesionale. Germin, është duke implementuar projektin “Diaspora për Zhvillim Ekonomik Lokal” të mbështetur nga CARITAS-i Zviceran. Qëllimi i projektit është përdorimi i potencialit profesional të diasporës për zhvillim ekonomik të komunave të Kosovës. Njëra nga aktivitetet e planifikuara është edhe Angazhimi i profesionistëve të kualifikuar të diasporës për të ndarë njohuritë e tyre dhe transferimin e aftësive përmes angazhimit në institucione apo biznese të Kosovës si konsulent/ekspertë në fushën përkatëse. Andaj përmes këtij pytësori synon të shoh interesin dhe të ofroj mundësinë e angazhimit të profesionistëve nga diaspora në në Kosovë. Nëse jeni profesonistë/e në diasporë dhe dëshironi të angazhoheni për një periudhë afatshkurtë në vendlindjen tuaj, aplikoni duke plotësuar formularin e mëposhtëm! Të gjitha të dhënat e ofruara do të përdoren vetëm për mundësinë e kontaktimit të juaj për mundësitë e ofruara, dhe asnjëherë nuk do të përdoren për tjera arsye. Aplikimin mund ta bëni këtu: https://www.surveymonkey.com/r/VFBWNC6

GERMIN ka realizuar një analizë ku në detaje shpjegohen pengesat që  kanë hasur pjesëtarët e diasporës gjatë Zgjedhjeve Lokale të mbajtura në fund të vitit të 2021-ës. Problemet me regjistrimin, dërgimin dhe pranimin e zarfeve me fletëvotime nga jashtë si dhe mungesa e informimit dhe edukimit të duhur të votuesve, kanë përcjellë pothuajse çdo cikël zgjedhor, përfshirë edhe atë të Zgjedhjeve Lokale, raundi i parë i të cilave u mbajt me 17 tetor 2021 ndërsa raundi i dytë me 14 nëntor 2021. Kjo analizë paraqet një përmbledhje të këtij procesi, përfshirë pengesat gjatë procesit të votimit nga jashtë dhe ofron një pasqyrë të detajuar të të gjitha operacioneve zgjedhore në kuadër të tij. Analiza paraqet të dhënat dhe rezultatet e votimit nga jashtë gjatë zgjedhjeve të fundit për zgjedhjet lokale  të vitit 2021, duke përfshirë kështu rundin e parë dhe të dytë (balotazhit). Për analizën më të detajuar ju mund të  klikoni në këtë link: https://germin.org/wp-content/uploads/2022/02/report-copy-2.pdf  

Të shtunën që shkoi, në Düsseldorf të Gjermanisë u mbajt takimi me bizneset dhe profesionistët nga diaspora, ku u prezantuan Parku i Inovacionit dhe Trajnimeve (ITP) - Prizren, një mundësi e re për investime në Kosovë. Prezent në këtë takim ishin profile të ndryshme të  bizneseve nga diaspora fusha e Teknologjisë, Përpunimit të Ushqimit dhe Industrive Kreative - Kulturore. Fillimisht të pranishmit u adresuan nga Z. Arjan Kashatnjeva - konsulli i përgjithshëm, i cili shprehu kënaqësinë për të mirëpritur një ngjarje të rëndësisë së tillë, sidomos pas një periudhe të gjatë izolimi si shkak i pandemisë. Ai uroj që projekte/takime të tilla të jenë sa më të shumta në të ardhmen, dhe rrjedhimisht të rezultojnë në investime konkrete në Kosovë. Wolfgang Leidig, drejtor menaxhues i Parkut, duke prezantuar para komunitetit të diasporës, theksoi se ITP Prizren përtej infrastrukturës shumë të përshtatshme hapësinore, ofron një atmosferë rrjetëzimi dhe bashkëpunimi ndërsektorial, me fokus në fushën e Teknologjisë së Informacionit dhe Komunikimit (ICT), Përpunimit të Ushqimit dhe Industrive Kreative - Kulturore. ITP është shumë më tepër sesa një park biznesi klasik.  Parku shumëfunksional është hapur zyrtarisht për qiramarrësit në maj të vitit 2020, dhe tani është i hapur edhe për bizneset e interesuara kombëtare dhe ndërkombëtare për t'u bërë pjesë e tij. ITP synon të tërheqë angazhimin e diasporës në sektorin privat, institucionet e arsimit dhe trajnimit profesional, si dhe aktivitete kërkimore dhe inovative. Përtej strukturës së pasurive të patundshme të ofruara, parku ofron shërbime biznesi dhe një mjedis të sigurt dhe të qëndrueshëm investimi me menaxhmentin gjerman që kujdeset për qiramarrësit.  Leidig prezantoi vizionin dhe misionin e ITP, i cili synon të shndërrohet në një pikë gravituese në rajonin e Ballkanit për inovacionin, zhvillimin e biznesit dhe aftësive, dhe burim i ideve inovative dhe të suksesshme. ITP Prizren ka një hapësirë prej 40 hektarësh, me 53 objekte të gatshme për bizneset e interesuara. Gjithashtu të pranishmëve në këtë ngjarje ju drejtua edhe z. Bekim Bytyqi - drejtor menaxhues i Unionit të Bizneseve Shqiptare-Gjermane (UB), i cili shprehu vullnetin e anëtarevë të UB për të investuar në Kosovë, specifikisht në ITP. Poashtu, ai theksoj se anëtarët e Unionit janë të interesuar për të marrë informacion më të detajuara që janë relevante për bizneset e tyre specifike. Qëllimi i kryesor i ITP është të mbështesë Kosovën në rrugën e zhvillimit ekonomik dhe integrimit, duke i kushtuar rëndësi të veçantë angazhimit dhe përfshirjes së diasporës. Pas takimit, z. Leidig me bashkëpunëtorë realizuan një vizitë pune tek ‘Kelmendi GmbH’, njëra nga kompanitë anëtare e Unionit të Bizneseve Shqiptare-Gjermane (UB) në fushën e përpunimit dhe shitjes së produkteve ushqimore.  Ky aktivitet ishte i pari i një serie takimesh që do të ndodhin në diasporë (kryesisht vendet gjermano-folëse) ku do të prezantohet ITP Prizren.