Diaspora Professionals
Programi për Angazhim Qytetar Prezantohet në Berlin
Date: 24/09/2023
0 Views

Gjatë takimit me profesionistët nga diaspora në Gjermani më 21 shtator, u prezantua Programi për Angazhim Qytetar (CEA), një iniciativë pesëvjeçare e zbatuar nga Fondacioni Kosovar për Shoqëri Civile (KCSF) në partneritet me USAID-in.

Rreth 50 profesionistë nga fusha të ndryshme u informuan për mundësitë për të ndarë njohuritë dhe aftësitë e tyre me organizatat e shoqërisë civile në Kosovë, përmes angazhimeve afatshkurtra të mbështetura nga ky program.

Dren Puka, Drejtor i Hulumtimit dhe Avokimit nga Fondacioni Kosovar për Shoqëri Civile (KCSF), prezantoi programin që synon të promovojë një kulturë të aktivizmit në nivel të qytetarëve, për të krijuar parakushte për zgjidhje rreth çështjeve të ndryshme me interes për komunitetet e tyre dhe në këtë mënyrë, për të përmirësuar cilësinë e jetës në lagjet dhe qytetet ku ata jetojnë.

Puka elaboroi shkurtimisht mbi historinë e angazhimit të komunitetit në Kosovë, që nga vitet ’80 dhe ’90 e deri më sot. Ai theksoi se shoqëria civile ka nevojë për ekspertizë dhe njohuri të reja, ku diaspora mund të luajë një rol jashtëzakonisht të rëndësishëm.

Ndërkohë, Lirim Krasniqi nga GERMIN shtoi se fakti që diaspora jonë jeton kryesisht në vende me demokraci të konsoliduara mirë është një avantazh dhe potencial i madh.

Kjo u mundëson profesionistëve të diasporës të kontribuojnë në shoqërinë civile të Kosovës, duke promovuar praktika demokratike, përfshirjen qytetare dhe angazhimin komunitar.

Ky takim u përshëndet gjithashtu nga Ambasadori i Republikës së Kosovës në Berlin, z. Faruk Ajeti, i cili theksoi rolin që diaspora jonë ka luajtur në angazhimin komunitar, si në Kosovë ashtu edhe jashtë saj.

Transferimi i njohurive dhe aftësive është një nga shtyllat e programit të GERMIN. Programi “Angazhimi i Profesionistëve të Diasporës” (EDP) lehtëson angazhimin e profesionistëve të diasporës për të kontribuar në institucionet e vendit të origjinës.

Aktualisht, gjashtë profesionistë janë të angazhuar në organizata të shoqërisë civile.

Më shumë detaje për programin dhe pozitat e hapura mund të gjenden në: https://diasporaprofessionals.germin.org/index

Falënderojmë Ambasadën e Republikës së Kosovës në Berlin dhe Organizatën e Akademikëve dhe Studentëve të Diasporës Shqiptare në Berlin (OASA) për organizimin e këtij takimi.

Të fundit
Lajme të ngjashme
Njoftohuni me zhvillimet, iniciativat dhe diskutimet e fundit lidhur me Avokimin dhe Diplomacinë.
News
Lista e Vendvotimeve për Diasporën
Për të lehtësuar procesin e votimit nga diaspora për zgjedhjet parlamentare në Kosovë, Germin ka përgatitur një listë të detajuar të vendvotimeve, përfshirë adresat e ambasadave dhe konsullatave ku mund të votoni fizikisht, si dhe kutitë postare për dërgimin e fletëvotimeve.   Klikoni mbi lidhjet më poshtë për të shkarkuar dokumentet e plota, varesisht nga shteti ku jetoni:   AUSTRALI   AUSTRI   BELGJIKE   CEKI   DANIMARKE   FRANCE   GJERMANI   HOLANDE   HUNGARI   ITALI   KANADA   KOSOVE   KROACI   MALI_I_ZI   MAQEDONI_E_VERIUT   MBRETERI_E_BASHKUAR   NORVEGJI   ShBA   SHQIPERI   SLLOVENI   SUEDI   TURQI   ZVICER   Në këto dokumente, adresat janë të lidhura me Google Maps, duke ju mundësuar navigim të shpejtë dhe të saktë. Dokumentin  me të gjitha shtetet e gjeni Këtu.   Për më shumë informata bashkohuni në kanalin tonë zyrtar në WhatsApp:  GERMIN WhatsApp Channel    
Date: 16/01/2025
0 Views
News
Si duhet të votoni me postë nga Diaspora për Zgjedhjet Parlamentare në Kosovë?
Të gjithë shtetasit e Kosovës të regjistruar për votim me postë duhet të dërgojnë fletëvotimet në kutitë postare të KQZ-së në Kosovë ose jashtë saj, duke ndjekur udhëzimet e mëposhtme:   𝐇𝐚𝐩𝐢 𝟏: 𝐏𝐥𝐨𝐭𝐞̈𝐬𝐨𝐧𝐢 𝐟𝐥𝐞𝐭𝐞̈𝐯𝐨𝐭𝐢𝐦𝐢𝐧 - e gjeni këtu.   1. Shkarkoni dhe printoni fletëvotimin. 2. Në anën e majtë të fletëvotimit janë të renditura subjektet politike. Zgjidhni vetëm një subjekt politik. Listën me emrat dhe numrat e kandidatëve e gjeni këtu. 3. Në anën e djathtë, mund të votoni deri në dhjetë kandidatë. 4. Pasi të plotësoni fletëvotimin: Paloseni fletëvotimin, vendoseni brenda zarfit dhe mbylleni zarfin. Mos shkruani asgjë mbi zarf!     𝐇𝐚𝐩𝐢 𝟐: 𝐃𝐞̈𝐫𝐠𝐨𝐧𝐢 𝐟𝐥𝐞𝐭𝐞̈𝐯𝐨𝐭𝐢𝐦𝐢𝐧   1. Printoni dëftesën e regjistrimit që e keni pranuar përmes email-it gjatë periudhës së regjistrimit. 2. Brenda zarfit të dytë, vendosni: ✉️📩 Zarfin e mbyllur me fletëvotimin e plotësuar. Dëftesën e regjistrimit. 3. Mbi zarfin e dytë: Shënoni adresën e kutisë postare të KQZ-së - adresat e kutive postare të KQZ-së i gjeni ketu. Vendosni një pullë postare.     4. Dërgojeni zarfin në postën më të afërt të shtetit ku jetoni.     📍 𝐊𝐮𝐣𝐝𝐞𝐬! 𝐐𝐞̈ 𝐟𝐥𝐞𝐭𝐞̈𝐯𝐨𝐭𝐢𝐦𝐢 𝐣𝐮𝐚𝐣 𝐭𝐞̈ 𝐣𝐞𝐭𝐞̈ 𝐢 𝐯𝐥𝐞𝐟𝐬𝐡𝐞̈𝐦: Dërgesa duhet të jetë individuale (nuk mund të përfshini fletëvotime për anëtarët e familjes apo persona të tjerë). Zarfi duhet të ketë pullën postare dhe të dërgohet nga shteti ku jeni regjistruar.   ℹ️ Për ndihmë apo më shumë informata kontaktoni linjën ndihmëse të KQZ-së në WhatsApp dhe Viber: +383 46 61 00 61.
Date: 09/01/2025
0 Views
News
Infografikë lidhur me gjetjet kryesore nga raporti “Remitancat në Kosovë: Shuma të mëdha, diskutim i vogël”
GERMIN ka realizuar një raport me titullin “Remitancat në Kosovë: Shuma të mëdha, diskutim i vogël”. Gjetjet kryesore të këtij raporti mund t’i shihni në këtë infografikë
Date: 24/12/2024
0 Views
News
U lansua edicioni i dytë i programit OriginAL
Më 4 gusht, u lansua zyrtarisht edicioni i dytë i programit OriginAL. Pjesëmarrësit patën mundësinë të njihen me fillimet e programit, edicionin e parë dhe objektivat e tij ambicioze.   Eventi nisi me një performancë surprizë nga Arbër Selmani, gazetar dhe poet nga Prishtina. Ai preku audiencën me interpretimin e tij të poezisë "Kur vdiq baba."   Bashkëdrejtori i GERMIN-it, Lirim Krasniqi, foli për rëndësinë dhe ndikimin që ky program ka pasur. Ai u shpreh krenar që është pjesë e një iniciative me rëndësi historike dhe falënderoi të gjithë mbështetësit e projektit.   Zëvendëskryeministrja dhe Ministrja e Ministrisë së Punëve të Jashtme dhe Diasporës, Donika Gërvalla-Schwarz, shprehu krenarinë për rezultatet e vitit të kaluar dhe për grupin e pjesëmarrësve të edicionit të dytë të programit OriginAL.   Presidenti i përkohshëm i RIT Kosovo (A.U.K), Michael Hess, theksoi lidhjen e rëndësishme që Universiteti Amerikan në Kosovë ka me diasporën.   Në këtë ngjarje ishin të pranishëm edhe mbështetës të programit OriginAL. Investitori, sipërmarrësi dhe filantropisti nga diaspora në Bullgari, Elvin Guri, foli për mënyrën se si ky program ndihmon të rinjtë e diasporës të kuptojnë jo vetëm rrënjët e tyre, por edhe prindërit dhe sakrificat e tyre.   Një nga shtyllat kryesore të programit është themeluesi dhe Kryetari i Bordit të Global Albanian Foundation (GAF), Mark Kosmo. Nga Bostoni, SHBA, përmes një mesazhi video, ai shprehu sërish mbështetjen e tij dhe u tha pjesëmarrësve se mezi pret të fillojë kjo udhëtim.   Nga Parisi, bashkëkryetarja e bordit të GERMIN, Anila Smørgrav, përshëndeti dhe falënderoi pjesëmarrësit, mbështetësit dhe partnerët e OriginAL.   Në këtë aktivitet morën pjesë edhe shtatë alumni të shquar të programit OriginAL. Midis tyre ishin Diellza dhe Elsa Vejseli, të cilat, pasi morën pjesë në edicionin e parë, tani janë vullnetare për edicionin e dytë. Ato ndanë përvojat e tyre të pasura, miqësitë e qëndrueshme të krijuara dhe dhanë mendime të vlefshme për objektivat dhe ndikimin e përgjithshëm të programit.
Date: 24/12/2024
0 Views