Pasi që çdo vit kemi fluks të madh të mërgimtarëve që hyjnë në Kosovë dhe të cilët duhet të paguajnë sigurim kufitar shtesë, ka indikacione se taksimi përmes policës kufitare paraqet pakënaqësi tek kjo pjesë e popullsisë. Kjo sepse përkundër shumë paralajmërimeve, Kosova ende nuk është përfituese e Marrëveshjes për Kartonin e Gjelbër. Prandaj, marrë parasysh kostot ekonomike, politike e sociale në lidhje me sigurimin kufitar ndaj mërgimtarëve, organizata Germin hapi një debat në lidhje me shqetësimet dhe mundësitë që mundet Kosovat’i shfrytëzoj deri në anëtarësimin në Këshillin e Byrove të Sigurimit Kufitar.