September 16, 2020

Organizata GERMIN nderohet me mirënjohje gjatë cermonisë të Vitit të Ri Hebraik “Rosh Hashanah” në Prishtinë

By Germin-66 Views-No Comment

Mbrëmë në Prishtinë u shënua Viti i Ri Hebraik “Rosh Hashanah” me një manifestim të organizuar nga Kryerabinati i Shqipërisë për nderë të festës së hebrenjve dhe në të njejtën kohë për të shënuar njohjen reciproke Kosovë – Izrael. Në ngjarjen e orgainzuar prezent ishin zyrtare shtetrorë, shume personalitete te shquara te vendit dhe organizata me renome në Kosovë.

Me këtë rast, Kryerabinati i Shqipërisë ndau mirënjohjen organizatës GERMIN “Për punën në zhvillimin e një të ardhme të ndritur për Kosovën dhe angazhimin e Diasporës në vendlindje”. Germin është një organizatë jo-qeveritare, parimet dhe idealet themelore të së cilës bazohen në besimin se diaspora shqiptare duhet të luajë një rol të gjerë dhe proaktiv në zhvillimin pozitiv të të gjitha vendeve në Ballkan ku jetojnë shqiptarët.

“Germin vlerëson se shqiptarët dhe hebrenjtë kanë histori të ngjashme jo vetëm sa i përket vuajtjeve përgjatë historisë, por edhe sa i përket komuniteteve të diasporës. Sikurse hebrenjtë, edhe shqiptarët janë të shpërndarë gjithandej globit por gjithmonë të lidhur me vendet e origjinës. Ne si organizatë e mirëpresim vlerësimin nga komuniteti Hebrej në Kosovë dhe Shqipëri, dhe shikojmë përpara për të bashkëpunuar në fusha të ndryshme rreth angazhimit të diasporës,” theksuan përfaqësuesit e Germin.

Germin falenderon Kryerabinatin e Shqipërisë dhe Komunitetin Hebrej në Kosovë për mirënjohjen dhe uron gjithë komunitetin për Rosh Hashanah, qoftë vit i begatë e i mbarë për gjithë hebrenjtë nëpër botë dhe për shtetin e Izraelit.

Leave a Comment