Organizata GERMIN shpreh shqetësimin e saj në lidhje me dështimin e autoriteteve të shtetit shqiptar, përkatësisht Komisionit Qendror të Zgjedhjeve (KQZ), për të mundësuar ushtrimin e të drejtës së votës nga jashtë vendit për shtetasit e Republikës së Shqipërisë nga diaspora në zgjedhjet parlamentare të 25 prillit, një detyrim që rrjedh nga Kushtetuta dhe Kodi Zgjedhor.

Me besimin se diaspora shqiptare duhet të jenë pjesë e proceseve demokratike në Shqipëri, organizata GERMIN u angazhua për të dhënë kontributin e saj për mundësimin e votimit nga jashtë vendit për shtetasit jo-rezidentë. Nga muaji nëntor 2020 deri në fundin e muajit mars 2021, GERMIN u bë pjesë e grupit të punës pranë KQZ, duke kontribuar në hartimin e akteve nënligjore që do të përcaktonin procedurat për votimin nga jashtë për pjesëtarët e diasporës shqiptare për zgjedhjet e 25 prillit. Duke ndjekur nga afër ecurinë e procesit pranë Komisionit Qendror të Zgjedhjeve (KQZ), GERMIN vëren se autoritetet shqiptare, përfshirë KQZ, pavarësisht progresit të kryer, nuk e trajtuan me përparësinë e duhur çështjen e votës së diasporës dhe pengesa të panevojshme çuan në dështimin e procesit.

GERMIN vlerëson se përcaktimi në ligjin Nr. 101/2020 miratuar vitin e kaluar se shtetasit shqiptarë me banim jashtë duhet të regjistrojnë vendbanimin e përhershëm jashtë vendit në Regjistrin Kombëtar të Gjendjes Civile që të fitojnë të drejtën e votimit nga jashtë ishte pengesa e parë e panevojshme në këtë proces. Regjistrimi i vendbanimit jashtë Republikës së Shqipërisë dhe aplikimi për t’u regjistruar si votues nga jashtë vendit duhet të ishin trajtuar si procese të ndara nga njëra-tjetra pasi edhe institucionet që i administrojnë ato janë të ndryshme.

GERMIN, duke vlerësuar angazhimin e KQZ-së në lidhje me pranimin e grupeve konsultuese të organizatave të diasporës, dëshiron gjithashtu të theksojë faktin që KQZ e ka shtyrë procesin e miratimit të akteve përtej çdo afati kohor të arsyeshëm. Së bashku me Këshillin Koordinues të Diasporës (KKD), Shoqatën e Avokatëve Shqiptaro-Kanadez dhe Lëvizjen “Diaspora për Shqipërinë e Lirë” ne paraqitëm pranë KQZ-së një model i cili po të ishte ndjekur do të kishte mundësuar regjistrimin dhe pjesëmarrjen në kohë të votuesve në diasporë, qoftë dhe për afër 3,500 votues potencial të cilët patën deklaruar vendbanimin e tyre të huaj në Regjistrin e Gjendjes Civile para marsit 2021.

KQZ-ja dështoi në zbatimin e detyrimit që rrjedh nga Ligji Zgjedhor Nr. 101/2020 (i miratuar me 23.07.2020 dhe fuqizuar 15 ditë pas), ku ajo ngarkohet të miratojë aktet nënligjore të nevojshme për të mundësuar votimin nga jashtë vendit brenda gjashtë muajve nga hyrja në fuqi e tij. Justifikimi i KQZ-së për mungesë konsensusi politik në miratimin e akteve nënligjore nuk qëndron për shkak se KQZ, deri më 29 mars 2021, nuk kishte dërguar asnjë akt nënligjor për miratim në Komisionin e saj Rregullator ku përfaqësohen partitë politike. KQZ, duke mos i dërguar aktet në Rregullator, mban përgjegjësi për moskrijimin e kushteve për votimin nga jashtë.

Gjithashtu, GERMIN thekson se përgjegjësia e mosrealizimit të votimit nga jashtë bie mbi palët e të gjithë spektrit politik të përfaqësuar në KQZ. Secila nga këto parti për arsye të ngushta politike dëshmoi mungesë vullneti për mundësimin e pjesëmarrjes së diasporës në zgjedhjet e 25 prillit 2021.

Lirim Krasniqi, një nga drejtuesit ekzekutiv të organizatës, u shpreh: “Në një kohë kur shtetasit shqiptarë jashtë territorit të Shqipërisë, sipas raportit të INSTAT publikuar dhjetorin e kaluar, kanë kaluar 1.6 milionë (më shumë se gjysma e popullsisë që gjendet brenda kufirit shqiptar), dhe përqindja dërrmuese e tyre janë në moshë madhore e për pasojë me të drejtë votimi, pjesëmarrja e tyre në proceset politike dhe qytetare të Shqipërisë duhet të trajtohet me prioritet dhe nuk mund të anashkalohet më. U bëjmë thirrje palëve të angazhohen për ta bërë të mundur këtë detyrim kushtetues. Organizata GERMIN mbetet e gatshme të japë kontributin e saj në këtë proces tani dhe në të ardhmen.”

Mbrojtja e realizimi i të drejtave politike dhe civile të pjesëtarëve të diasporës, përfshirë të drejtën e pjesëmarrjes në vendimmarrje në vendet e origjinës, në Kosovë, Shqipëri dhe gjetkë në rajon mbetet një nga prioritetet kryesore të veprimtarisë së GERMIN.

The post Komunikatë – Reagim ndaj dështimit të votës së diasporës në Shqipëri appeared first on Germin.

Pasi të pranoni konfirmimin se aplikacioni juaj për regjistrim për të votuar përmes postës është aprovuar, ju duhet të përgatitni pakon me fletëvotime dhe të dërgoni atë me postë brenda afateve të caktuara. Për të dërguar pakon, ndiqni hapat në vijim:

Hapi 1 – Shkarko fletëvotimin

Nga faqja zyrtare e KQZ-së ju duhet të sharkoni fletëvotimin të cilin duhet ta printoni. Klikoni KËTU.

Hapi 2 – Plotëso fletëvotimin

Sigurohuni që shenja të jetë brenda kutisë së subjektit që zgjedhni, në mënyrë që vota juaj të jetë e vlefshme.

Hapi 3 – Vendos fletëvotimin në zarfin e pashënuar

Fletëvotimin e plotësuar vendosni në një zarf, i cili nuk duhet të ketë asnjë shënim.

Hapi 4 – Pastaj vendoseni në zarfin përfundimtar

Vendos zarfin e pashënuar në zarfin që përmbanë adresën e KQZ-së. Vendosni zarfin e pashënuar në një zarf që duhet të përmbajë adresën e KQZ-së. Përveq zarfit të pashënuar, në zarf vendosni edhe një kopje të dokumentit tuaj valid të identifikimit.

Zarfat e pranuara brenda afatit nga votuesit e regjistruar për votim përmes postës fillimisht verifikohen nga KQZ. Pasi të verifikohen, përcjellën në Qendër të Numrimit dhe Rezultateve. Në QNR dërgohen vetëm zarfet e pashënuara, që përmbajën fletëvotimin ose fletëvotimet mbrenda. Në këtë mënyrë, kur hapen zarfat e pashënuara, nuk mund të identifikohen votuesit që kanë dërguar ato fletëvotime, dhe kështu mbrohet fshehtësia e votës së personave që votojnë përmes postës.

Hapi 5 – Dërgoni zarfin me postë brenda afatit
Adresa:
Komisioni Qendror i Zgjedhjeve
Votimi Përmes Postës
Posta 6, kutia postare 351
10000 Prishtinë
Republika e Kosovës

Këshillë për ju si votues nga Diaspora
Nëse jeni disa anëtarë të një famlijeje me drejt vote mos vendosni më shumë se 5 fletëvotime në një zarf. Mirëpo deri në 5 vota njëherësh mund t’i vendosni lirisht. Secili veçmas futeni fletëvotimin në një zarf. Pastaj në një zarf tjetër futeni kopjen e një dokumenti identifikimi, si dhe zarfin e flëtëvotimit. Në fund, në një zarf të madh mund t’i fusni gjithë zarfat e famlijes tuaj. Në mënyrë që vota juaja të arrijë në kohë dërgoni zarfin sa më shpejt, ose me postë urgjente.

The post Qysh me votu nga Diaspora? #DiasporaVoton2021 appeared first on Germin.

A large number of observers and monitors agree that electoral processes in Kosovo have generally had a steady increase in quality over the years. However, this has not been the case for out-of-country voting. Problems in the application process to qualify as an out-of-country voter, slow communication and poor information, as well as issues with sending and receiving ballots in envelopes have been a part of almost every election cycle and they are still ongoing. Despite the fact that the CEC has made some changes since the 2017 elections – providing the option of applying through the official email – voting from abroad, just like in the parliamentary elections of 2019, remains challenging.

The aim of this analysis is to address the obstacles in the process of out-of-country voting, with the intention of increasing diaspora turnout in Kosovo Elections. This analysis presents data for out-of-country voting in the last elections of 2019 for the Kosovo Parliament. It addresses: the importance of the right to vote, voting procedures and turnout of citizens living abroad, voting results and obstacles during the process. The final part of the document contains concrete recommendations to different relevant institution regarding changes that need to be made in order to overcome obstacles and to widen the possibilities for out-of-country voting.

You can read/download the Analysis by clicking on the links below. It is available in: Albanian, English or Serbian language.

*Publication of this analysis was supported by Swiss Agency for Development and Cooperation (SDC)

The post Analysis Report: Out-of-Country Voting – Kosovo Parliamentary Elections 2019 appeared first on Germin.

Në këtë ngjarje ku morrën pjesë përfaqësues të institucioneve përgjegjëse si Komisioni Qendror i Zgjedhjeve (KQZ), Kuvendi i Kosovës, Avokati i Popullit, si dhe përfaqësues të partive politike, u theksuan problemet e deritanishme në procesin e votimit nga jashtë të cilat kanë ndikuar që të kemi një numër të vogël të votuesve nga jashtë/diaspora, duke pasur parasysh numrin e madh të bashkëatdhetarëve që jetojnë jashtë Kosovës dhe kanë të drejtë vote. 

Duke prezantuar tematikën e kësaj tryeze, Sihana Bejtullahu nga GERMIN theksoi që pjesëmarrja e diasporës në vendimmarrje përmes votës është shumë e rëndësishme për shkak se, ndër të tjera, ndikon në rritjen e legjitimitetit demokratik të të zgjedhurve duke pasur parasysh se janë mbi 350 mijë qytetarë me të drejtë vote që aktualisht jetojnë jashtë vendit. Poashtu, për një vend si Kosova, përfshirja e diasporës në proceset politike është mjet i rëndësishëm për të mbajtur të forta lidhjet me qytetarët jashtë vendit. Votimi i diasporës është edhe mjet shtesë për ruajtjen e përkatësisë kombëtare dhe forcimin e identitetit etnik. Ndër aspektet e ndryshme të vendit të origjinës në të cilin diaspora duhet të përfshihet ngushtë, pjesëmarrja politike është mbase njëra nga më të rëndësishmet. Në këtë drejtim, votimi nuk është vetëm forma më e rëndësishme e pjesëmarrjes politike, por edhe mënyra më e mirë për t’i bërë zërat e diasporës të dëgjohen, shtoi ajo.  

Ndërkohë, Liza Gashi, drejtoreshë e Organizatës Germin, duke prezantuar të gjeturat e analizës, potencoi që përkundër rritjes së numrit të votuesve nga jashtë, ky proces vazhdon të jetë i ndërlikuar dhe me pengesa,  gjë që ndikon në numrin e vogël të votuesve nga jashtë krahasuar me numrin e madh të pjesëtarëve të diasporës.

Avokati i Popullit, Hilmi Jashari, theksoi se e drejta e votimit nga jashtë është një e drejtë kushtetuese, për ushtrimin e së cilës institucionet përkatëse duhet të ofrojnë mundësitë e nevojshme. Ai theksoi se Institucioni i Avokatit të Popullit ka përcjellur rekomandimet për përmirësimin e këtij procesi në një raport të detajuar të vitit 2018, drejtuar Kuvendit të Kosovës dhe Komisionit Qendror të Zgjedhjeve. 

Fitore Pacolli, deputete dhe anëtare e Komisionit për Legjislacion, duke ju referuar projektligjit për  ndryshimin e Ligjit për Zgjedhjet në pjesën e votimit nga jashtë, potencoi se shumica e amandamenteve të parashtruara janë aprovuar nga komisioni për legjislacion, përfshirë rekomandimet nga raporti i Avokatit te Popullit dhe Organizatës Germin. Ajo theksoi se ndryshimet e nevojshme që janë propozuar, besojnë që qeveria e re do t’i kalojë gjatë mandatit të saj. Më tutje, Znj. Pacolli u shpreh se “Gjatë diskutimeve që kemi pasur ka qenë problematike të vendoset afati se deri kur duhet të pranohen pakot, dhe tani duhet te gjindet një model i ri se si të zgjidhet ky problem.  Pas problemeve që kishim në Zgjedhjet 2019, që një pengesë e tillë të mos përsëritet, ne mendojmë që duhet të mundësojmë votimin në misionet diplomatike të Republikës së Kosovës sic janë ambasadat dhe konsullatat. Në vendet ku Kosova nuk ka misione diplomatike, të mundësohet votimi tek misionet diplomatike të Republikës së Shqipërisë përmes një marrëveshjeje ndërshtetrore.”

Yll Buleshkaj nga KQZ, shtoi se OJQ-të me përfshirjen e tyre në procesin zgjedhor të vëzhgimit gjithmonë rrisin transparencen dhe kredibilitetin e rezultateve të KQZ-së. Ai ka përmendur organizatën jo-qeveritare Germin si një pasuri që merret me këtë çështje. Poashtu, ai më tej potencoi që Kosova është një ndër 100 e disa shtetet që ka forma të votimit nga jashtë, kurse për ofrimin e mundësisë së votimit në të dy llojet e zgjedhjeve: ato qendrore dhe lokale është në mesin e vetem disa dhjetera shteteve që ofrojnë një gjë të tillë pjesëtarëve të diasporës së tyre.
Z. Buleshkaj shtoi se “Ka qenë problematik afati se kur duhet te pranohen pakot, dhe tani është koha që të gjindet një model i ri se si te zgjidhet ky problem, në zgjedhjet e 2019 kjo çështje ka qenë një problem i madh dhe ne duhet të mundësojmë votimin në ambasada dhe konsullata.”  Ndërkohë, për idenë e krijimit të sistemit  elektronik, ai tha:
“Rreziku nga sistemi elektronik i votimit, mund të jetë në ndërhyrje të mundshme dhe jo harmonizim të listave të votimit në vend dhe ato me postë, e rrjedhimisht lë mundësinë për manipulime.”

Valon Murati, ish-Ministër i Diasporës, në fjalën e tij tha se nevoja që të gjinden metoda të reja efikase të përfshirjes së Diasporës në zgjedhje është shumë evidente. Ai beson se strukturat partiake në Diasporë shkaktojnë dëm në zhvillimin e vendit tonë dhe poashtu krijojnë përçarje ndërmjet pjesëtarëve të Diasporës. Ai, si zgjidhje të këtij problemi, ka përmendur ndryshimin e mundshëm të kushtetutës së Kosovës e cila do t’i mundësonte diasporës vende të rezervuara në Kuvend. Ai poashtu ka potencuar që në gjetjen e zgjidhjës së përfshirjes dhe procesit të votimit më të lehtë, të mos shikohen kostot eventuale të këtij procesi pasi që vetë Diaspora është një nga faktorët më të rëndësishëm ekonomik të vendit tonë.

Duke marrë parasysh rëndësinë e diasporës për Kosovën, me qëllim të rritjes së pjesëmarrjes së qytetarëve jashtë vendit në vendimmarrje, Organizata GERMIN në Analizën e publikuar në tre  gjuhët zyrtare të Republikës së Kosovës, ndër tjerash, jep këto rekomandime:

• VOTIMI FIZIK NË MISIONET DIPLOMATIKE TË REPUBLIKËS SË KOSOVËS

Të ndryshohet Ligji për Zgjedhjet e Përgjithshme dhe të mundësohet votimi fizik në ambasadat dhe konsullatat e Republikës së Kosovës. Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit gjatë legjislaturës së 6-të ka hartuar Projektligjin për ndryshimin e Ligjit Nr. 03/L-073 Për Zgjedhjet e Përgjithshme në Republikën e Kosovës, i ndryshuar dhe plotësuar Me Ligjin Nr. 03/L-256, ku parashihet votimi në misionet diplomatike dhe konsullore  të Kosovës për qytetarët jashtë vendit, mirëpo ky projektligj nuk ka kaluar ende për lexim dhe votim në Kuvend. Miratimi i këtij projektligji do të zgjeronte mundësitë e ushtrimit të të drejtave zgjedhore për qytetarët jashtë vendit.

• ZGJATJA E AFATIT PËR ARRITJEN E ZARFEVE ME FLETËVOTIME

Aktgjykimet e Gjykatës Supreme të Republikës së Kosovës A.A.-U.ZH.nr.20/2019, datë 30.08.2019, dhe A.A.-U.ZH.nr.21/2019, datë 05.11.2019, e kanë bërë pothuajse të pavlerë Nenin 96.2 të Ligjit për Zgjedhjet e Përgjithshme dhe Nenin 4.4 të Rregullës Zgjedhore Nr. 03/2013 për arritjen e votave nga jashtë 24 orë para ditës së zgjedhjeve. Rrjedhimisht, afati për pranimin e votave nga jashtë duhet të zgjatet deri në 5 apo 7 ditë edhe pas ditës së zgjedhjeve, me kusht që data e dërgimit të jetë para ditës së zgjedhejve, e cila mund të vërtetohet përmes vulës postare.  

• DËRGIMI I POSTËS NË AMBASADA DHE KONSULLATA TË REPUBLIKËS

Përveç mundësisë së votimit fizik, zgjerimi i mundësive për votim për pjesëtarët e disaporës duhet të përfshijë edhe mundësinë e dërgimit me postë në ambasadat dhe konsullatat e Kosovës në vendin rezident të qytetarëve jashtë vendit. Kjo pasiqë në disa vende distanca mes vendbanimit dhe misionit diplomatik dhe konsullor të Kosovës është e madhe, prandaj duhet të krijohet mundësia që vota me postë të dërgohet në misionin diplomatik/konsullor në të njëjtin shtet, krahas mundësisë për dërgimin e postës në adresë të KQZ-së. Votat përmes postës arrijnë shumë më shpejtë brenda territorit të një shteti. Ndërsa të njëjtat, misioni diplomatik apo konsullor mund t’i dërgojë me postë diplomatike në adresë të KQZ-së. Kështu zgjerohen mundësitë e votimit dhe përshpejtohet procesi.

• ZHVILLIMI I NJË PLATFORME ELEKTRONIKE PËR APLIKIM PËR REGJISTRIM NË UEB-FAQEN E KQZ-SË

Formave aktuale të aplikimit për regjistrim si votues nga jashtë vendi, rekomandohet t’u shtohet edhe një platformë elektronike në uebfaqen e KQZ-së, e cila do të mundësonte aplikimin online për regjistrim (ueb-based). Një platformë e tillë do të: (1) lehtësonte dhe thjeshtësonte në krahasim me formën aktuale manuale duke qenë se nuk do të kishte nevojë për printim/plotësim të formularit; (2) zvogëlonte mundësitë e gabimeve në futjen e të dhënave, duke qenë se ajo mund të konfigurohet që të mos pranojë të dhënat e gabuara dhe aplikuesit do të mund të korrigjonin të dhënat e tyre; (3) mënjanonte mbingarkesën e e-mailit zyrtar të KQZ-së, i cili ka qenë problem në zgjedhjet e kaluara.

• REGJISTRIMI I PLOTË I QYTETARËVE QË JETOJNË JASHTË VENDIT

Regjistrimi i pjesëtarëve të diasporës nga ish-Ministria e Diasporës nuk ka arritur të mbledhë të gjitha të dhënat e qytetarëve jashtë vendit. Mirëpo edhe si i tillë, ky regjistër nuk është përdorur deri më tani nga ana e KQZ-së për krijimin e një liste të veçantë të qytetarëve jashtë vendit, e cila mund të përditësohet në mënyrë të vazhdueshme. Poashtu, Ministria e Punëve të Brendshme duhet të bashkëpunojë me Komisionin Qendor të Zgjedhjeve që të vendos një kod identifikues për shtetasit e Kosovës të cilët jetojnë jashtë vendit në regjistrin civil, sikurse që ekziston kodi për shtetasit që nxjerrin dokumente të Republikës së Kosovës në ambasada dhe konsullata jashtë vendit.

• VOTIMI VETËM ME DOKUMENTE TË REPUBLIKËS SË KOSOVËS

Për të eliminuar çfarëdo dyshimi apo manipulim të mundshëm, vetëm dokumentet valide të Republikës së Kosovës duhet të pranohen si të vlefshme nga KQZ për votim jashtë vendit. Edhe kjo çështje është paraparë të ndryshohet me ndryshimin e Ligjit për Zgjedhjet e Përgjithshme. Gjithsesi, kjo duhet të realizohet duke vënë në lëvizje edhe Ministrinë e Punëve të Brendshme si dhe Administratën Publike (MPBAP), pasi siç e kemi cekur më lart, mungesa e posedimit të dokumenteve valide të Republikës së Kosovës nga pjesëtarët e diasporës apo votuesit potencial nga jashtë është një nga pengesat në pjesëmarrjen në zgjedhje. Prandaj, pajisja dhe përditësimi me dokumente valide të Republikës së Kosovës për qytetetarët jashtë vendit është çështje e cila qëndron në  raport kauzal me rritjen e pjesëmarrjes në zgjedhje.

Publikimi i kësaj analize u realizua me mbështetjen e Agjencisë Zvicerane për Zhvillim dhe Bashkëpunim (SDC)  në Prishtinë. 

The post MBAHET TRYEZA “VOTIMI NGA JASHTË VENDIT – 2019” appeared first on Germin.

Me datë 03.11.2019, Organizata GERMIN ka pranuar vendimin e Panelit Zgjedhor për Ankesa dhe Parashtresa lidhur me ankesën/apelin Anr. 382/2019 për moszbatimin e plotë të aktgjykimit A.A.UZH.nr. 20/2019 të Gjykatës Supreme nga ana e Komisionit Qendror të Zgjedhjeve (KQZ). Sipas këtij vendimi, PZAP hudh si të palejuar apelin në fjalë duke vlerësuar se “nuk është nën juridiksionin e këtij institucioni të bëj vlerësimin rreth zbatueshmërisë së Aktgjykimeve të Gjykatës Supreme” dhe se “paneli vendos vetëm ndaj vendimeve  të KQZ-së ashtu siç parashihet me nenin 122 paragragi 1 pikat a), b), c), d), e) dhe f) të  Ligjit Nr. 03/L-072 për Zgjedhjet e Përgjithshme në Republikën e Kosovës”. 

Vëzhguesit e akredituar të GERMIN, gjatë vëzhgimit të procesit të verifikimit dhe numërimit të pakove me fletëvotime të cilat kanë ardhur përmes postës pas datës 5 tetor, kanë vërejtur se KQZ nuk po e zbaton plotësisht vendimin A.A.UZH.nr. 20/2019 të Gjykatës Supreme, duke mos i procesuar fare 1,806 pako me fletëvotime përmes postës të cilat kanë arritur mes datës 11 tetor 2019 (ditën kur është ushtruar ankesa ndaj Panelit Zgjedhor për Ankesa dhe Parashtresa (PZAP) nga subjekti politik Lëvizja Vetëvendosje (LVV), e cila ka sjellë deri tek vendimi A.A.UZH.nr. 20/2019 i Gjykatës Supreme për pranueshmërine e fletëvotime të ardhura me postë pas ditës së zgjedhjeve) dhe deri më datën 17 tetor 2019. 1,806 pakot e paprocesuara të fletëvotimeve nga bashkëqytetarët tanë që jetojnë jashtë vendit janë refuzuar pa kaluar asnjë procedurë verifikimi nga ana e Sekretariatit të KQZ-së, edhe pse të njejtat janë nisur si dërgesa postare para afatit përfundimtar për dërgimin e votave përmes postës të vendosur nga KQZ-ja, përkatësisht nga data 19 shtator deri më datën 5 tetor 2019, gjë që mund të vërtëtohet në bazë të vulës postare në datën e nisjes. Gjithashtu, 1,806 pakot në fjalë kanë ardhur në KQZ përpara se të niste verifikimi dhe numërimi i 4,639 pakove të tjera të fletëvotimeve që ishin objekt i ankesës së parë të LVV-së, çka do të thotë se përfshirja në numërim e këtyre 1,806 pakove nuk do të kishte ndikuar dhe as vonuar procedimin e pakove të tjera.

Mostrajtimi i këtyre pakove të fundit nga KQZ, bie në kundërshtim me aktgjykimin e Gjykatës Supreme A.A.UZH.nr. 20/2019 të datës 30.10.2019, si dhe me aktgjykimin më të hershëm të kësaj Gjykate, A.A.-U.ZH.nr. 19/2019 të datës 25.10.2019. KQZ, duke mos trajtuar këto pako, ka vendosur në heshtje refuzimin e tyre rrjedhimisht edhe moszbatimin e vendimeve të Gjykatës Supreme.

Prandaj, kërkojmë nga Gjykata Supreme, që sipas mandatit të saj ligjor, dhe në bazë të parimeve të vendosura përmes aktgjykimeve AA.UZH. nr. 20/2019 dhe AA.UZH. nr. 19/2019, të ndërmarrë veprime konkrete dhe të urdhërojë Komisionin Qendror të Zgjedhjeve për të numëruar 1.806 pakot e mbetura me fletëvotime të ardhura përmes postës.

Ankesën e plotë mund ta lexoni në këtë vegëz: GERMIN_ANKESE_GJYKATA SUPREME

The post GERMIN paraqet ankesë në Gjykatën Supreme për mosnumërimin e 1806 pakove me fletëvotime nga diaspora nga ana e KQZ-së appeared first on Germin.

Ankesën e plotë mund ta lexoni KËTU. 

The post ANKESË: Për shkeljen e së drejtës së votës ndaj qytetarëve të Republikës së Kosovës që jetojnë jashtë vendit appeared first on Germin.

Më 30 mars 2017, organizata jo-qeveritare Germin, në kuadër të iniciativës Dialogu i Strukturuar për të Drejtat e Diasporës ka mbajtur takimin virtual me temën Zgjedhjet në Kosovë dhe Pjesëmarrja e Diasporës.

Diaspora shqiptare vazhdon të jetë kontribuues kryesor në zhvillimin e vendit tonë. Përgjatë viteve, ata kanë pasur një rol kyç në çlirimin, pavarësimin dhe stabilitetin ekonomik. Duke marr parasysh që mërgata shqiptare përbën një prej grupeve më të mëdha sociale në Kosovë, angazhimi i tyre në zgjedhje është i rëndësishëm. E drejta e votës sot atyre ju garantohet me ligj, të cilët për ta shfrytëzuar duhet t’i kalojnë disa pengesa burokratike dhe t’i respektojnë afatet e shkurtra. Për fat të mirë, sot kemi njëdiasporë e cila si asnjëherë më parë është mirë e informuar dhe mirë e integruar në vendet ku jetojnë.

The post Zgjedhjet në Kosovë dhe Pjesëmarrja e Diasporës appeared first on Germin.