GERMIN dhe RIT Kosovo (A.U.K.) kanë nënshkruar marrëveshje bashkëpunimi për të mbështetur të rinjtë përmes arsimit, zhvillimit të lidershipit dhe angazhimit të diasporës. Partneriteti synon të krijojë mundësi për studentët dhe profesionistët e rinj, duke lidhur arsimin me njohuritë, përvojat dhe rrjetet e diasporës.
Në takim morën pjesë Presidentja e RIT Kosovo, Dr. Albina Balidemaj, përfaqësues të bordit dhe Zyrës së Zhvillimit të universitetit, bashkëdrejtorët ekzekutivë të GERMIN, Lirim Krasniqi dhe Sihana Bejtullahu, si dhe Prof. Egzon Sadiku. Diskutimet u përqendruan në zgjerimin e bashkëpunimit dhe identifikimin e nismave të përbashkëta në dobi të të rinjve.
Përmes këtij partneriteti, GERMIN dhe RIT Kosovo synojnë të nxisin shkëmbimin e njohurive, inovacionin dhe lidhjet mes të rinjve në Kosovë dhe diasporë.
