Trajnimi për Trajnerë për Angazhimin e Diasporës mblodhi zyrtarë komunalë dhe përfaqësues të Ministrisë së Punëve të Jashtme dhe Diasporës për të zhvilluar njohuri dhe mjete praktike për bashkëpunimin me diasporën.

Gjatë tri moduleve, pjesëmarrësit trajtuan identifikimin e nevojave institucionale, motivimet dhe pengesat e angazhimit, ndërtimin e besimit dhe komunikimin e dyanshëm. Përmes diskutimeve, ushtrimeve praktike dhe shkëmbimit të përvojave, ata punuan mbi mënyrat e kontaktimit dhe përfshirjes së profesionistëve nga diaspora, si dhe hapat për ta mbajtur bashkëpunimin aktiv.

Trajnimi synoi gjithashtu t’i përgatisë pjesëmarrësit që t’ua përcjellin njohuritë kolegëve të tyre, duke mbështetur vazhdimësinë e angazhimit të diasporës brenda institucioneve.