Me 17 korrik, në ambientet e kalasë së Vushtrrisë, u lansua platforma ‘Invest in Vushtrri’, e cila ka për qëllim promovimin e mundësive për investime në Komunën e Vushtrrisë si dhe krijimin një hapësire për lidhjen e bizneseve vendore me ato të diasporës dhe të huaja.
Në këtë ngjarje morën pjesë dhjetëra afaristë dhe profesionistë të fushave të ndryshme nga vendi dhe diaspora. Me rastin e lansimit të platformës u mbajt një panel diskutimi, i cili u hap nga kryetari i Komunës, z. Xhafer Tahiri, me panelistë: z. Fehmi Mehmeti, Guvernator i Bankës Qendrore të Kosovës, Z. Arian Zeka, drejtor i Odës Ekonomike Amerikane në Kosovë, Znj. Sytrime Dërvisholli, eksperte për çështje ekonomike-tregtare dhe Z. Safet Gërxhaliu, ekonomist dhe ish-kryetar i Odës Ekonomike të Kosovës. Paneli u moderua nga Lirim Krasniqi, bashkë-drejtor ekzekutiv i organizatës GERMIN. Panelistët përshëndetën këtë aktivitet si nevojë për zhvillimin ekonomik lokal, duke theksuar që niveli lokal duhet të mbështetet në mënyrë që të shfrytëzohen potencialet për zhvillim ekonomik.
Kryetari Tahiri prezantoi 7 projekte kapitale diaspora business representatives and professionals:
Këto projekte kapin në total një vlerë prej rreth 40 milionë eurosh, të cilat Komuna e Vushtrrisë synon t’i realizoj përmes partneritetit publik-privat. Me këtë rast, kryetari Tahiri u bëri thirrje investitorëve nga diaspora që të shprehin interesin e tyre dhe garantoi se komuna do t’ju ofroj kushte shumë të favorshme dhe t’iu garantoj investimet.
Në këtë ngjarje u prezantuan edhe rezultatet preliminare të hulumtimit mbi ambientin biznesor në Vushtrri, të cilin e ka realizuar organizata GERMIN përmes intervistave me 68 biznese lokale. Të gjeturat kryesore nga ky hulumtim tregojnë se ka një trend në rritje të veprimtarive biznesore në Vushtrri, mirëpo bizneset përballen me probleme apo barriera si: papërshtatshmëria e tregut vendor (madhësia, taksat, sundimi i ligjit), mungesa e punëtorëve të kualifikuar apo qasja në financa.
Në fund të kësaj ngjarje u prezantuan edhe tre investitorë, të cilët janë duke realizuar projekte multi-milionëshe në Komunën e Vushtrrisë, siç është investimi strategjik “Çiçavica wind Farm” që ka për qëllim prodhimin e energjisë së ripërtëritshme nga era..
Nga tani e tutje www.investinvushtrri.com do të plotësohet vazhdimisht me informacione për investitorët potencial nga vendi, të huaj dhe diaspora për mundësitë dhe ofertat për investime në Komunën e Vushtrrisë.