[Shqip më poshtë]

Panel: “Looking Beyond Remittances”

Time: August 9, 17:00

Place: Gazi Mehmet Pasha Hamam

Does Diaspora constitute a template to challenge the politics of the status-quo? 

Diaspora has historically played a significant role in the economic, political and social development of Kosovo and the region. Nevertheless, looking beyond remittances, what is the role of Diaspora? Does Diaspora constitute a template to challenge the politics of the status quo? How do we ignite their power, and require a greater commitment on the part of institutions and improved partnerships with non-governmental organizations in the region, diaspora communities, and businesses abroad.

The panel is organised in partnership with Dokufest and Global Albanian Foundation, and will be held in Albanian with simultaneous translation to English.

***

Paneli: “Përtej remitancave”

Koha: 9 gusht, 17:00

Vendi: Hamami i Gazi Mehmet Pashës

A ka Diaspora kapacitetet e nevojshme për të sfiduar politikën e status-quo-së? 

Diaspora historikisht ka luajtur një rol të rëndësishëm në zhvillimet ekonomike, politike dhe shoqërore të Kosovës dhe të rajonit. Megjithatë, duke shikuar përtej remitancave, cili është roli i diasporës? A përbën diaspora një model për të sfiduar politikën e status quo-së? Si ta aktivizojmë fuqinë e tyre dhe të kërkojmë një angazhim më të madh nga ana e institucioneve dhe partneriteteve me organizatat joqeveritare në rajon, komunitetet e diasporës dhe bizneset jashtë vendit.

Ky panel organizohet në bashkëpunim me Dokufest dhe Fondacionin Global Shqiptar. Diskutimi do të mbahet në gjuhën shqipe, me përkthim simultan në gjuhën angleze. 

Panelistët e panelit:

• Shqiptar Oseku, Punëtor Social, vepron në Suedi;

• Fëllanza Podrimja, Analiste, vepron në Gjermani;

• Xhevdet Bajra, Shkrimtar, vepron në Mekisikës;

• Vlashent Sata, Artist, verpron në Francë.

Moderimi: Liza Gashi, GERMIN

Shqiptar Oseku
U Lind në Gjakovë, në një familje të përndjekur politikisht nga regjimi i kohës. Pasi iu ndalua shkollimi i lartë (‘87/’88), emigroi në Suedi në vitin 1989. Atje ka studiuar për punën sociale pranë Universitetit të Stockholmit, si dhe dhunën patriarkale në Institutin për Studime Gjinore, pranë Universitetit Uppsala. Ka punuar me terapi adiksioni dhe terapi çiftesh që nga viti 1997. Ndërkohë ka shkruajtur dhe botuar shkrime, kryesisht poezi. Ka përkthyer 6 antologji shqip-suedisht dhe anasjelltas, si dhe 3 përmbledhje vetjake poezish. Shqiptari është ndjekës aktiv i zhvillimeve politike dhe shoqërore të Kosovës, Shqipërisë dhe vendeve tjera të banuara me shqiptarë në Gadishullin e Ballkanit. Është baba i tre fëmijëve shumë-gjuhësh që rriten në mjedis shumë-etnik.

Fëllanza Podrimja
Ka përfunduar studimet bachelor në Shkenca Politike dhe të Drejtën Publike ne Universitetin e Regensburgut, me specializim në Politika Ndërkombëtare. Studimet e
nivelit Master i përfundoi në Universitetin e Regensburgut dhe Universitetin Ludwig- Maksimilian në Mynih në studimet e Evropës Lindore me specializim në Shkenca Politike dhe e Drejta Evropiane. Fellanza aktualisht punon si konsulente në kompaninë CONCILIUS AG.

Xhevdet Bajra
Xhevdet Bajraj është poet, dramaturg, përkthyes dhe profesor. Puna e tij në poezi është përkthyer në gjuhët: Angleze, Gjermane, Spanjolle, Daneze, Serbe, Sllovene,
Hungareze, Turke dhe Polake. Ai ka marrë shumë çmime vendore dhe ndërkombëtare, në mes të të cilave, çmimin për librin më të mirë me poezi, në 1993 dhe 2000 nga
Shoqata e Shkrimtarëve të Kosovës; Çmimin Ndërkombëtar të ‘Goliardos’ për Poezi në vitin 2004; Çmimin ‘Katarina Josipi’ për dramën origjinale më të mirë të shkruar në Shqip; Çmimin e p arë në Festivalin e Monodramas në Vlorë (2013); Çmimin për librin më të mirë për poezi në 2015, prezantuar në Panairin Ndërkombëtar të Librit në Prishtinë. Në maj 1999, Bajraj me familje deportohen nga Kosova. Përmes Parlamentit Ndërkombëtar të Shkrimtarëve dhe programit të tyre për shkrimtarët e persekutuar, atij iu dha azili në Casa Refugio Citlaltépetl në Meksikë. Në vitet më pas, ai bëhet profesor i shkrimit krijues dhe letërsisë në Universitetin Autonom të Meksikës dhe është pjesë në ‘Sistema Nacional de Creadores de Arte’. Në një univers paralel artistik, ai u shfaq si një bashkë-yll i Aro Tolbukhin, në Mind of the Killer, një film fitues i çmimit Ariel dhe konkurues i Meksikës në Oskarët e vitit 2003.

Vlashent Sata
Lindur në 1983 në Tiranë, Vlashent Sata është një kantautor dhe interpretues Franko – Shqiptar. Ngjitet në skenë që në moshën 5 vjeçare si këngëtar, dhe nën përkujdesjen e të atit, Loro Sata, muzikolog dhe këngëtar lirik tenor, fillon pianon kur ishte vetëm 6 vjeç. Në 2002 shkon te vazhdojë studimet për piano në France dhe i përfundon ato me sukses, fillimisht në Bordeaux dhe më pas në Paris me pedagogë e solistë me famë ndërkombëtare si Denis Pascal, Romano Pallottini. Si muzikant me formim klasik dhe me dëshirën për të transmetuar eksperiencen e tij diplomohet për pedagogji në 2011 e fill pas kësaj emërohet pedagog i pianos në konservatoret “Xenakis” dhe ”Olivier Messiaen” në Evry. Viti 2012 do të shënonte edhe daljen e tij të parë në Paris si kantautor, me zërin dhe pianon e tij. Kjo do të ishte nisma e një turneje në Belgjikë, Itali, Spanjë dhe Portugali. Albumi i tij i parë « HANA » me dymbëdhjete tituj del ne 2016 si një sukses i artistit që i jep eko edhe jashtë vendit. I mbështetur nga Sacem, të drejtat e autorit në Francë, ky album vlersohet dhe transmetohet në radion prestigjoze ‘France Musique’, përpara se të performojë në teatrin legjandar në Paris “Le Palace”, në kuadrin e Festivalit të Ballkanit. Në gusht 2017 ai i jep jetë “Zâ Fest”, një festivali krejt të veçantë që gërsheton të gjitha artet me qëllimin për të bërë bashkë sa më shumë njerëzit, në zemrën e alpeve
Shqiptare, në Theth.