Duke reflektuar në vitin e kaluar, ndiejmë një krenari të pashoqe për të ndarë me ju pikat kryesore të përpjekjeve tona të palodhura për lidhjen e diasporës me atdheun tonë. Përmes disa nismave dhe ngjarjeve, kemi punuar me zell drejt forcimit të lidhjeve që bashkojnë komunitetin tonë të pasur diasporik me rrënjët tona në atdhe. Duke filluar nga shkëmbimet kulturore dhe profesionale deri te krijimi i partneriteteve të vlefshme, jemi përpjekur të krijojmë një hapësirë ku tapiceria e pasur e Diasporës Shqiptare zhvillohet. Ky pasqyrim i vitit 2023 është i ngërthyer nga fryma e unitetit, bashkëpunimit dhe synimeve të përbashkëta që vazhdojnë të përcaktojnë udhëtimin tonë kolektiv 'diasporizues'.
21 profesionistë të diasporës janë lidhur me komunat e Kosovës dhe organizatat e shoqërisë civile për të kontribuar në një sërë projektesh zhvillimore dhe për ngritjen e kapaciteteve. Nga platformat arsimore dixhitale deri te strategjitë e zhvillimit, njohuritë e diasporës janë shfrytëzuar nga palët e interesuara lokale. Këtu mund të gjeni një shembull.
52 gra në politikë nga komunat e Shtimes, Istogut, Vushtrrisë, Suharekës, Lipjanit, Rahovecit dhe Podujevës janë mentoruar në fusha kyçe të interesit nga 26 ekspertë të diasporës. Kjo ka sjellë krijimin e lidhjeve dhe nxitjen e mësimit të ndërsjellë. Si përfundim, të gjitha këto gra, ekspertët e diasporës dhe palët e interesuara institucionale janë mbledhur në një konferencë përmbyllëse. Këtu mund të lexoni më shumë rreth këtij aktiviteti.
GERMIN, së bashku me organizatat partnere nga Maqedonia e Veriut dhe Mali i Zi, vazhdoi iniciativën 'Forcimi i Bashkëpunimit dhe Lëvizshmërisë Rajonale në Mesin e Kërkuesve të Rinj në Ballkanin Perëndimor' në kuadër të Skemës së Granteve MOVE, financuar nga Fondi i Ballkanit Perëndimor. Në kuadër të kësaj iniciative 6 të rinjë kanë përfunduar periudhën e shkëmbimit prej prej 10 ditësh në vende fqinje.
72 orë, 400+ pjesëmarrës, 74 folës, 13 panele diksutimi, 21 organizata dhe institucione partnere. Më 18, 19 dhe 20 maj 2023, GERMIN organizoi edicionin e tretë të konferencës më të madhe të diasporës shqiptare, “Diaspora Flet”, në Prishtinë. Konferenca u zhvillua rreth temës “Si mund të bashkë-krijojmë?” – me synimin për të eksploruar dhe nxitur mënyra të bashkëpunimit në fusha të ndryshme, që ndikojnë pozitivisht në komunitetet e diasporës dhe bëjnë ndryshime domethënëse në vendet e origjinës. Këtu mund të lexoni më shumë rreth këtij aktiviteti.
Kuvendi i Kosovës ka përmirësuar votimin jashtë vendit me ndryshimin e ligjit zgjedhor, i cili përfshin rekomandimin e Germin për lejimin e votimit fizik në misionet diplomatike nga zgjedhjet e ardhshme. Këtu mund të lexoni më shumë rreth këtij aktiviteti.
60 pjesëmarrës nga 17 shtete të ndryshme e përjetuan atdheun tonë në mënyrë unike përmes programit Origjinal. Duke vizituar 15 qytete, mbi 60 vende dhe duke takuar qindra bashkëmoshatarë vendas, përvoja e tyre Origjinale në atdheun e tyre ishte përvojë e paharrueshme. OriginAL 2023 ishte një ndikim i madh dhe u përcoll me rritje të kërkesave për pjesëmarrje.Ne tashmë po mbledhim fonde për grupet e vitit 2024, dhe mbështetja juaj vlerësohet shumë.
Një spektakël i jashtëzakonshëm nga sopranoja e mirënjohur, Inva Mula, së bashku me pianistin Genc Tukiçi dhe grupin u organizua në Nju Jork më 24 maj. Ky event, i ndihmuar nga Fadil Berisha, mblodhi mbi 800 shqiptaro-amerikanë në Teatrin Town Hall për të mbështetur Programin OriginAL dhe misionin e tij fisnik për të lidhur të rinjtë shqiptarë në mbarë botën. Kreu i “Global Albanians Foundation”, Mark Kosmo premtoi 1 milion dollarë nga tani deri në ditëlindjen e tij të 100-të.
40 gra ndërmarrëse nga Kosova shkuan në Düsseldorf ku patën rastin të takohen me dhjetëra biznese të diasporës. Në bashkëpunim me Business Uninon Shqiptaro-Gjerman në Gjermani dhe të mbështetur nga USAID Kosovo Compete, ato vizituan edhe Odën e Tregtisë dhe Industrisë (IHK) të qytetit të Essenit. Këtu mund të lexoni më shumë rreth këtij aktiviteti.
10 biznese vendore në Panairin e Biznesit të Diasporës në Vjenë
Përmes Projektit MARDI, GERMIN mbështeti 20 prodhues vendorë nga Kosova për të marrë pjesë në Panairin e Biznesit të Diasporës i cili u organizua nga Rrjeti i Bizneseve të Diasporës Shqiptare në Austri. Panairi u mbajt në Vjenë më 21 tetor 2023. Mbi njëqind takime B2B u zhvilluan nga kompani të industrisë së IT-së, përpunimit të drurit, përpunimit të ushqimit dhe tekstilit. Këtu mund të lexoni më shumë rreth këtij aktiviteti.
Në datat 13-14 tetor 2023, ne iu bashkuam konferencës më të madhe të teknologjisë në rajon - KosICT, për të lehtësuar takimet biznes me biznes (B2B) ndërmjet kompanive vendase dhe atyre nga diaspora ose me prejardhje nga diaspora. Dhjetra kompani nga sektorët e TIK-ut dhe sektorëve të lidhur me të eksploruan mundësitë për bashkëpunim dhe partneritet. Këtu mund të lexoni më shumë rreth këtij aktiviteti.
Dr. Yvonne Naum from Seattle, originally from Korça, inspired GAF to start this program by pledging $22,500 as a start. Three projects will be initially supported to Helping Vulnerable Children at Naim Frasheri School; Roma Children at Day Care Centers, and Children with Disabilities in Korça. Këtu mund të shikoni mesazhin e Yvonne
Diaspora ndihmon zonat e prekura nga përmbytjet në Kosovë
Pas përmbytjeve të janarit 2023 në Kosovë, pesë organizata me bazë në diasporë nga SHBA-ja dhe Gjermania nisën fushatën për mbledhjen e fondeve "Diaspora për Kosovën" për të mbështetur familjet dhe ndërtesat e prekura. Shkollat e mesme teknike të Skenderajt dhe Mitrovicës janë përkrahur për të rinovuar objektet e tyre të dëmtuara nga vërshimet.
Rrjeti i Organizatave të Diasporës
Kjo nismë synon të drejtojë ndikimin kolektiv të diasporës shqiptare në një forcë për ndryshim pozitiv. Objektivat tona përfshijnë mbështetjen e përpjekjeve Avokuese të organizatave të ndryshme; mbështetjen e ruajtjes së kulturës dhe parandalimin e fyerjeve; dhe fuqizimin e të rinjve për t'u përfshirë në mënyrë aktive në iniciativat e drejtuara nga komuniteti.
